Korte familiar i di hubentut a kita kustodia riba su 4 yunan menor di edat

WILLEMSTAD. Dos siman pasá un tribunal pa kasonan di hubentut i menor di edat a kita kustodia di kuater yu for di un muhé Kurasoleño pasobra no ta responsabel mas pa laga nan bou di kustodia dje mama ni e tata.
Ya ta kuater aña a pasa ku e muchanan ta kedando den un instituto pero ketu bai e mama tin di bisa riba kualke desishon ku Jeugdbescherming tuma i ta opstakulisá kualke medida na benefisio dje muchanan.
Korte a duna e instituto William Schrikker Stichting Jeugdbescherming na Amsterdam-Zuidoost komo kustodia riba e muchanan i a nombra e tata komo informante pero for di prome dia ku a yam’é pa bin testiguá e no a presentá. Kort e a prolongá e kustodia te 15 oktober 2022.
Na mesun tempu Reclassering a pidi pa terminá kustodia dje mama riba e yunan pasobra e muhé ta un mama kalakuna kompleto.
No tin kuestion di edukashon ku ta garantisa nan situashon na kas te pa e mama eduká su yunan.
I ounke e mama ta di akuerdo ku e lugá kaminda e muchanan ta. e ta sigi menasa ku kualke momento ku lokura dal e, e ke pa su yunan bin kas serka dje.
I e situashon aki no ta aseptabel pasobra mester tin kontinuidat i klaridat den bida dje kuater muchanan pa kaminda nan ta kuida nan i pe motibu aki e tribunal a disidi pa nombra Leger des Heils na Alkmaar komo nan kustodia.
Ounke ku e mama ke kos bon so pa su yunan e no tin moda di brinda nan esaki i p’esei su yunan tin varios aña ta biba otro kaminda.
E muchanan mester di mas di loke nan mama por ofresé.
Pa laga famia dje mama kustodiá e muchanan ta trabou di pia’i palu i mester enkargá un profeshonal neutral ku nan edukashon. E dos yunan mas grandi no ke bai serka otro hende pero nan ke pa nan mama keda ku kustodia riba nan ounke nan ta traté ne kas di famia kaminda e ta keda pero e keda serka su mama.
E di tres yu a bisa ku su mama ta lubida riba nan pero nan ta prefera di biba serka nan mama i ku si e mama haña yudansa, e por kuida nan.
Esun mas grandi ta papia tur dia ku su mama i e hecho ku su mama a yama polis pe no tabata pa malu. Un trahadó sosial a splika e tribunal ku e mama ta sigi ranka su yunan. Desishon dje kaso tabata ku korte a enkargo Jeugdbescherming ku nan kustodia den diferente sukursal dje organisashon na Ulanda.