Korte di hustisia na Spaña a aseptá pa ekstraditá eks tesorera di Chavez

MADRID – Segun medionan di komunikashon na Spaña Korte di Hustisia na Spaña a firma dokumentashon pa ekstraditá eks tesorera Chavista Claudia Díaz akusá di labamentu di plaka.
Claudia Patricia Díaz Guillén mihó konosí komo enfermera di Hugo Chávez tin un sita awe dilanti un wes di korte federal na West Palm Beach.
Den e kaso aki Adrián José Velásquez Figueroa kasa di Claudia Patricia Díaz Guillén tambe lo bai keda ekstraditá pronto pa Merka akusá di delitonan manera soborno i labamentu.
Tantu Claudia Patricia Díaz Guillén komo Adrián José Velásquez Figueroa a keda deklará profugo di hustisia merikano for di aprel di 2021 huntu ku e empresario Raúl Gorrín Belisario.
Akusashon alegá ta ku Raúl Gorrín Belisario (52) doño i presidente di e kanal venesolano Globovisión a paga miónes di dòler na soborno na Alejandro Andrade Cedeño i Claudia Díaz Guillén.