Korte di hustisia na Mexico a ekstraditá Trafikante ku yama “El 80” pa Merka

MEXICO – For di aña 2017 e narkotrafikante identifiká komo Carlos Arturo Quintana “alias El 80” a bai riba e lista di fugitivonan mas buska pa FBI. E motibu dikon Carlos Arturo Quintana, alias El 80 ta e fugitivo mas buska pa FBI ta debí ku ela asesiná un agente di DEA i tabata prinsipal eksportador di kokaina di Cártel de Juárez pa Merka.
Na Mexico mes Carlos Arturo Quintana, alias El 80 a laga asesiná e periodista Miroslava Breach na luna di mart di aña 2017.
Carlos Arturo Quintana alias El 80 tabata un di e lidernan di Cártel de Juárez ku for di aña 2015 a bin ta terorisá estadonan manera New Mexico i Chihuahua.
Abogadonan ku tabata defendé Carlos Arturo Quintana a trata di tur forma pa evitá su ekstraditashon pa Merka pero no a logra i ayera agentenan di FBI a biaha pa Mexico pa bin busk’é i hib’é Texas.
E entrega di Carlos Quintana na outoridatnan merikano a tuma luga na Aeropuerto Internashonal di siudat de Toluca.
Prokuraduria General di Mexico ta kalkulá ku Carlos Arturo Quintana lo por haña kastigu di bida largu pa tur lokual ela hasi riba teritorio merikano.