Korte di hustisia di Peru a rechasá pa petishon pa liberá kuñá di Pedro Castillo

LIMA – Wes di Korte di hustisia di Peru a rechasá un habeas kòrpus pa liberá Yenifer Paredes ku ta kuña di presidente Pedro Castillo kende ta bou di investigashon pa un supuesto kaso di korupshon.
Yenifer Paredes tin dies dia detené kaba pa korupshon durante un periodo kòrtiku trahando pa e atministrashon di Pedro Castillo.
Yenifer Paredes mes a bai entrega na agentenan di Ministerio Públiko dia 10 di ougùstùs i segun abogadonan ku ta defendé a indika ku no tin ningun prueba ku ta inkrime ainda den e kaso di korupshon i malversashon
di fondonan públiko.
Yenifer Paredes huntu ku Hugo Espino ku tambe a keda detené ta representantenan di e empresa JJM Espino Ingeniería & Construcción S.A.C., ku na sèptèmber di 2021 a haña un kontrato pa drecha algun edifisio di gobiernu balorá na 3,8 mion soles (kasi $1 mion).
E empresa di Yenifer Paredes i Hugo Espino a haña e kontrato lukrativo aki sin bai ningun destaho públiko.