Korte a sentensiá Gravier Cratz na kastigu di prison di 8 luna kual 4 kondishonal i sigi reclassering

WILLEMSTAD – Awe mainta korte di hustisia na Gelderland a dikta sentensia den kaso kontra di e yu di tera e konosido Gravier Cratz
Ta trata di un kaso kual a keda trata 2 siman pasá kaminda a akusá Cratz di a mishi ku 3 mucha menor di edat ku ta keda den instituto kaminda e ta laborá. E akusado mes a atmití dos di e kasonan aki pero unu ela nenga of e no ta kòrda esaki. Ta trata aki di hóbennan ku sigur awor ku nan a yega e edat di 17 aña a haña e brio pa papia paso promé nan ta tin miedu di e hòmber Gravier.
Un di nan ta tin apénas un dia den e instituto kual e akusado a kuminsa abusá di dje
E dia ey ministerio públiko a pidi kastigu di prison di 24 luna kual 8 kondishonal i 5 aña e no mag ta den e funshon aki pa atendé ku mucha.
Awe korte a tuma nota i a deklará ku tur loke ta akusashonnan a keda proba kontra di e akusado aki i ku ela faya komo trahadó i ela hasi daño na e muchanan aki .
Korte ta bisa ku mester paga e daño na nan tres kaminda ela repartí esaki den víktima number 1 un suma di 1000 euro.. Víktima number 2 e suma di 1750 euro i víktima number 3 e suma ta di 750 euro.
Si e no paga esaki e por bai sera pa 15 dia pa asina e kumpli ku esaki. Paso ni maske bai sera e mester paga tòg.
Anto e ta sentensia e hòmber Gravier Cratz na kastigu di prison di 8 luna kual 4 kondishonal. Tambe un tempu di prueba di 3 aña . tambe 5 aña e no por ta den ningun funshon pa atendé ku mucha. Cratz tin ku mèldu su mes na reklasering pa sigi gia profeshonal pa e por keda atendé i esaki lo dura henter e temporada di proeftijd. Kual e mester sigi òrdu i duna koperashon na esaki
Esaki ta e sentensia kual a kai awe mainta den korte na Gelderland.