Kòrsou ta faya gravemente pa kumpli finansieramente

WILLEMSTAD. Un karta ku CFT a manda komo kolegio di supervishon finansiero riba gobiernu di Korsou i pa gobiernu di Reino riba e presupuesto dje aña’ki, ta kan-kan di defisiensia kardinal komo ku Kòrsou no ta tene su mes na palabrashon riba temanan finansiero den presupuesto dje aña’aki.
E karta a Sali for di 23 di mart pero CFT a konstata fayo multimionario den e presupuesto ku tin un defisit di 162 mion florin mion pe aña aki.
Pa otro aña e defisit lo ta 30 mion florin pero gobiernu ulandes a duna pèrmit pa desviá for di e regla di heru ku presupuesto mester ta kuadra.
Pa loke ta e fayonan spesifiko riba presupuesto CFT a konstata ku no ta splika entrada i gastunan sufisientemente i ku pa kolmo no a registrá tur gastu i entrada ku por konta kune.
CFT a bolbe saka su pèn di pasenshi i a traha mas rekomendashon ku e petishon pa hinka nan
no mas tardá den un presupuesto adaptá.
· Adaptá e entradanan a base di loke a kobra aña pasá i klap un splikashon na dje pa duné un bachi di respektabilidat
· Si e amtenarnan di gobiernu no tin e kapasidat aki, kopia e kalkulo di kresementu mas simpel di Fondo Monetario Internashonal. Basha un sous dje kalkulo di kresementu mas resien di IMF i plak un kuenta na dje mas resiente kalkulo di kresementu nominal (=minimal). Kon bon kobramentu di belasting a bai i splika esaki mihó posibel.
· Baha e presupuesto di gastunan di personal a base di amtenarnan a sali for di servisio promé ku tempu i splika kon ta bai baha e post di overtaim.
· traha un lista di invershonnan ku ta bai tin i kiko te gastunan fiho tur aña.
· Parti dje karta ta mumbo-jumbo pa un siudadano laiko pero CFW a hasi un opservashon positivo, i esei ta ku pueblo ta pagando belasting mihó.
· I tin indikashon ku lo sigi asina ounke CFT nota mira unda gastunan di personal a baha ni overtaim.

· Promé nan duna nan bendishon ne presupuesto nan ke tende di gobiernu kon nan lo bai baha gastu di overtaim i gastu di material i nan ke kontesta ya!