Kòrsou mester paga Ulanda tur e plaka ku a haña komo yudansa

WILLEMSTAD. Bida diario na Kòrsou no ta konsisti solamente di notisia malu di kriminalidat i varios otro tipo di bandidahe pasobra na final di dia hende mester por kome i biba tambe.
Pa por hasi esei, mester di plaka i dado momento e kranchi di plaka ku tabata produsi divisa na Kòrsou a hera di sera snòk snòk.
Mientras ku nos tabata kombati pandemia ku afortunadamente Ulanda a paga gran parti pa nos, turismo a kai i nos a pèrdè e fuente ei di entrada.
Pero no ta turismo so a kai: entrada di divisa di bùnker pa barku, refinashon di petroli, reparashon di barku, servisio finansiero internashonal i re-eksportashon na e empresanan di Zona Liber tambe a kai.
I huntu ku esei importashon tambe a kai den ramo di importashon no petrolero tantu na Kòrsou komo na Sint Maarten pasobra entrada di turista i aktividat di reeksportashon den Zona Liber tambe a kai.
Loke a suavisá e impakto di menos entrada di plaka strañero tabata e fondonan ku a drenta for di Hulanda pa Krus Kòrá, pa finansiá e programa di sosten pa alimento na Kòrsou.
Aña pasá gobiernu i sektor privá mester a fia hopi plaka prinsipalmente na fondo ku Ulanda a fia nos den forma di sosten pa kompensa pèrdida di entrada ku gobièrnu a sufri. Ulanda a fia nos pais plaka pa paga bèk den dos aña sin kobra interes.
1 Areglo fiskal entre Hulanda i Kòrsou (Belastingregeling Nederland en Curaçao).
Ademas, e depósitonan di gobièrnu di Kòrsou i di Sint Maarten a oumentá, debí prinsipalmente na e sosten (fiansa) di plaka risibí di Hulanda.
Ademas, e depósitonan di gobièrnu di Kòrsou i di Sint Maarten a oumentá, debí prinsipalmente na e sosten (fiansa) di plaka risibí di Hulanda.