Kòrsou i Sint Maarten tambe ta negeer Konseho di Minister di Reino

DEN HAAG/WILLEMSTAD – E gobièrnunan di Kòrsou i Sint Maarten sin permit di Konseho di Minister di Reino a desviá for dje palabrashonnan tokante rekorte di salario pa amptenarnan i esnan di mesun status. Asina sekretario di estado Van Huffelen a informá Tweede Kamer.
E luna aki Korsou a duna su amptenarnan un gratifikashon di 1.750 florin gulden i Sint Maarten a paga plaka di fakansi. Den tur kos kaso, a hasi e pagonan sin un konseho positivo di Kolegio Finansiero i sin permit di Konseho diMinister di Reino. Asina van Huffelen ta enfatisá. E sekretario di estado, no ta menshoná kon e ta bai reakshoná riba Korsou i Sint Maarten.
Mientrastantu gobiernu di Aruba a disidi ku sin ku e tin lus bèrde di Konseho di Minister di Reino, pa aliviá e rekorte di salario ku 5%. Esei ta tuma luga dia 24 di juli. E hecho ku ta negeer Konseho di Minister di Reino, no ta uniko preokupashon di Den Haag, relashoná ku e tres paisnan. Asina por konklui for dje karta ku a bai pa Tweede Kamer.