Lokal
Kòrsou a lanta ariba’bou: Akshon di wèlga ta surgi un tras di otro!
WILLEMSTAD. Parse ku awe tur konfushon a sera kabes pa pone ku Kòrsou a lanta ariba’bou ku susesonan diverso for di politika te asesinato.
Un dje notisianan ku a hala masha atenshon ta ku e insistensia di Ramon Chong pa tene duru na su kandidatura komo minister i fuentenan no konfirmá ta bisa ku ta pasobra ku pa por a haña sèn pa kore kampaña, partido Nashonal a disidi pa lòt outo na balor di 50 mil florin i plaka mester bin di un kaminda.
Agensia ku a fasilitá e outo a eksigi borg i a toka na Chong pa pone su kas komo borg pero konfirmashon di esaki no tin.
Mientras tantu manera NOBO a raportá for di ayera, trahadónan di Ontvanger a pone trabou bou i a bai nan sindikato. Na DOW trahadónan a drenta akshon pa apoyá tres kolega ku a pone riba non-aktif i nan a tene Walk-out i riba esei trahadónan di Selikor tambe a demostrá nan sosten.
Den e banko PSB ku Fondo di Penshun a tuma over tambe tin tenshon i no ta atende kliente pasobra a pone tres persona klave riba non-aktif.