Kòntròl di tráfiko i detenshon pa violashon di lei di arma di kandela

WILLEMSTAD – Djasabra 28 di yanüari 2023 alrededor di 17.53’or di atardi, personal di polis na Aeropuerto Hato a tene kòntròl di tráfiko.
E kòntròl aki a tuma lugá riba e sitio di parker na di Aeropuerto Hato.
Durante e kòntròl aki polis a para un vehíkulo i a nota ku shofùr di e vehíkulo a aktua sospechoso. Durante di un kòntròl riba e shofùr a haña i konfiská un arma di kandela kaliber 38 spesial.
Na e sitio a detené G.M.R., nasé na Kòrsou di 22 aña di edat. Despues a tene un entrada hudisial na su kas den Kaya Augusto Boelijn.

A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.