KONTENTU ta risibí rekonosementu di ACI Medellín

Medellin—E suidat di Medellín, riba djaweps 27 di òktober último, ofisialmente a entregá un rekonosimentu den forma di apresio na e kompania KONTENTU. KONTENTU, for di mei 2022 huntu ku su sosionan, ta trahando pa fortalesé Kòrsou konektando nos komersio ku e.o. Medellin.
ACI, selebrando nan 20 aña di eksistensha komo e instituto ofishal pa promové invershon na Medellin, a skohe un kantidat di 10 kompania pa duna rekonosementu, entre nan e kompania KONTENTU di Kòrsou. E agensia estatal di invershon na Medellin, ACI, ofisialmente a invitá representante di KONTENTU, e hóben komersiante Gyadisha Sulvaran pa bini Medellín i risibí su rekonosementu.
E rekonosementu a keda presentá na Sulvaran den forma di un plakat di plata grabá den e ekspreshon: “ KONTENTU, por su aporte al desarollo de una Medellin conectada con el mundo 2022”.
Direktor di ACI, Jonathan Ballesteros, personalmente a entregá Sulvaran e rekonosementu, i e ofishal di e agensia, Jesus Saenz a splika e envolvimentu importante di KONTENTU pa ACI Medellin. For di mei 2022, na dos okashon KONTENTU a trese ACI Medellin Kòrsou pa tene presentashon i informá negoshantenan lokal e struktura kon pa eksportá nan negoshi òf idea pa Medellin.
E bishitanan tabata eksitoso i na novèmber próksimo e dos organisashonnan ta planiá pa un di tres biahe di ACI pa Kòrsou.
E bishita di ACI na novèmber próksimo, ta un biaha mas kombiná ku Tele Medellin, kual e kanal di televishon aki tambe ta un sosio di KONTENTU i ta bai hiba un programa grabá na Kòrsou dediká na promoshon di e ruta komersial entre Medellin i Kòrsou.