Konseho di Minister di Reino nó mester aprobá pago di gratifikashon !

WILLEMSTAD- Gobiernu di Korsou ta insisti ku e no tabatin mester di aprobashon di Konseho di Minister di Reino paga gratifikashon na empleadonan publiko. Segun sekretario di estado Van Huffelen, na su konsepto e pago di gratifikashon ta bai kontra di e akuerdonan ku paisnan tabatin ku otro. Hulanda ta sali for di e punto di bista ku di e forma aki ta tòrnu na e 12.5 porshento di rekorte salarial pa empleadonan públiko.
Den e reunion gobièrnu a indika ku e no ta di akuerdo ku e opinion di e sekretario di estado e 12.5% a keda intakto. Asina vise prome minister Ruthmilda Larmonie-Cecilia a splika na Tele Curacao. Loke ku ta pasa ta ku gobièrnu tin e posobilidat pa paga e gratifikashon na empleadonan publiko. Esei no a stop for di tempu ku tabatin e akuerdonan ku otro i na e momentu aki tampoko gobièrnu no ta mira dikon e mester haña aprobashon di Konseho di Minister di Reino.
Sekretario di Estado a bisa ku ta konstatá ku Kòrsou no a haña aprobashon di CFT pa paga e gratifikashon. Kabinete Pisas a indika ku CFT a informa den su karta di 29 di juni 2022 ku no tabatin sufisiente fondo pa paga pa e 1.750 florin, pero si tin espasio pa paga 10.6 mion florin, ku ta ekivalente na 3 % di plaka di fakansi. Den e karta ei e minister di Finansas, a kontesta CFT, splikando ku CFT ku e no tin rason pasobra ku e pago di 1.750 florin ta igual na 3% di fakansi uitkering. Minister di finansas, a sigui splika CFT ku e no tin rason pasobra e pago di 1.750 florin, su gastu ta igual na e 10.6 mion ku ela indika ku tabatin espasio pe, den kaso ku a paga e 3% di fakansiuitkering. Den e reunion ku sekretario di estado, gobièrnu di Kòrsou a trese dilanti ku e no ta komparti e opinion di sekretario di estado. A surgi un situashon kaminda ku kada Partido tin su opinion riba e asuntu. Hulanda a keda insisti ku Kòrsou mester a haña konseho di Konseho di Minister di Reino. Kòrsou ta enfatisá ku e 12.5% di rekorte salario ainda ta intakto.

KONDISHONNAN
Segun minister Larmonie-Cecilia, ta konosi kiko e kondishonnan ku Hulanda ta pone pa kita e rekorte salarial. Kabinete Pisas a indika ku e no ta bai di akuerdo ku e kondishonnan. Pasobra e kondishonnan ku tabatin na momentu ku a palabra e 12.5% tabata solamente, basta bo no tabatin mester di sosten di likidez pa por kita e 12.5%. Awor ta resulta ku a agrega mas kondishon pa por termina e 12.5%. ‘’Nos a indika ku komo gobièrnu nos no por sinta riba stul di Parlamento i pone preshon pa tuma e lei, kaminda mester bin e lei di normering topinkomens’’. Asina minister Larmonie Cecilia a bisa. A base di e punto di bista aki, Kabinete Pisas a disidi ku e no por bai di akuerdo ku e kondishonnan.
Minister Larmonie-Cecilia, no ta kere ku lo tin kondishon pa e hecho ku Kòrsou a paga e gratifikashon, sin ku ela risibi aprobashon di Konseho di Minister di Reino.
“Nos a kana un trayekto, konforme lei di nos pais. Ela kana tur e organonan ku e mester a kana den nos komunidat i nos a haña un aprobashon. E landsbesluit ta firmá i por a paga e gratifikashon. Pesei gobièrnu ta trankil ku no por tin ningun konsekuensia.’’