Konmoshon na Italia: Italiano a asesiná un Nigeriano ku tabata bende su merkansianan riba kaya

ROMA – Den fin di siman ku kaba di pasa tabatin un kaso sigur lamentabel di diskriminashon ku a kaba den asesinato na e suidat Italiano ku yama Civitanova Marche.
Kiko a pasa segun testigunan ta ku e hòmber Nigeriano identifiká komo Alika Ogorchukwu
(39) ku tur di ata bai bende su merkansianan kantu di kaya a topa ku un Italiano ku a insult’é indikando pa e bai Afrika bek.
Na dado momentu sin ningun motibu w italiano identifiká komo Filippo Claudio Ferlazzo (32) a basha merkansianan di Alika Ogorchukwu riba kaya.
Filippo Claudio Ferlazzo a insultá Alika Ogorchukwu pa despues kita su telefon selular for di dje i aki e forsageo a kuminsá.
Den e kaso aki Filippo Claudio Ferlazzo a choka Alika Ogorchukwu durante kasi 4 minüt te na momentu ku e no tabata move mas.
E parti mas tristu di e kaso aki ta ku Alika Ogorchukwu tabata grita pa un hende bin kita Filippo Claudio Ferlazzo pero ningun hende no a bin yuda.
Na momentu ku polis a yega Alika Ogorchukwu tabata morto kaba i asina a bai laga su kasa i un yu hòmber di 8 aña atras.
Miéntras tantu polis a logra detené Filippo Claudio Ferlazzo pa asesinato di Alika Ogorchukwu.
Kasonan di diskriminashon kontra hende pretu na Italia a lanta kabes formalmente i mayoria biaha esaki ta kaba den asesinato manera ta e kaso den fin di siman ku a kaba di pasa aki.