Koninklijke Horeca Nederland i Curaçao Restaurant Association ta bai traha huntu

Willemstad – E siman aki Koninklijke Horeca Nederland (KHN) i Curaçao Restaurant Association (CRA) a inisiá un koperashon, kaminda Kòrsou lo bira un departamentu nobo di KHN. Esaki ta enserá ku pronto tur negoshante den Horeca na Kòrsou por tin e bentaha pa hasi uso di e servisio nan di e miembresia di KHN. Dia 28 di yüli sr. Robèr Willemsen i Dirk Beljaarts di KHN, i Tarzeno Circkens ku John Henry Every di CRA a pone nan firma bou di e konvenio na Kòrsou den presensia di Gobernador suplente di Kòrsou su ekselensia Michelle Capriles.
E kolaborashon a wòrdu formalisá den e departamentu nobo KHN-afdeling Curaçao, ku e meta pa traha huntu pa yega na un futuro stabilisá di Horeca. Turismo na Kòrsou ta birando un pilar ekonómiko importante. Esaki ta bini ku eksigensia nan nobo pa Horeca tambe. Miembresia di KHN ta duna oportunidat pa profeshonalisá mas mihó ainda. Miembronan na Kòrsou konosé mesun derecho i debernan ku miembronan na Hulanda.Tur tipo di Horeca por bira miembro di e departamentu nobo.
Kiko esaki kemen pa e empresario di Horeca?
Bira miembro ta duna kada empresario entrada na e servisionan di KHN, entre otro kontesta riba preguntanan ku tin di aber ku Horeca, konseho personal, kuido di interes komun I ku tempu deskuentonan serka agensianan di Horeca I tambe reglanan den e sektor di Horeca. Naturalmente empresarionan Hulandes tambe por probechá di e konvenio aki.Tin diferente empresarionan Hulandes ku ta aktivo na Kòrsou, I mayoria ta interesá den e miembresia. Ku KHN komo partner, na Kòrsou i Hulanda, e por hunga un ròl importante pa negoshinan na Hulanda ku ke bin invertí na Kòrsou. E sistema ta igual i p’esei nan por ahustá mesora ku e direktiva lokal.
Presidente di KHN sr. Robèr Willemsen: “ Nos ta hopi orguyoso ku e konvenio aki. CRA I KHN tin e forsa pa konhuntamente por krea e klima ideal pa nos miembronan, kaminda kalidat i inovashon lo ta e prioridat. Ku e konvenio aki, miembronan na Kòrsou tin akseso na tur bentahanan di e miembresia di KHN. Banda di esei, empresarionan den tur dos pais por hasi uso di e red di kontaktonan pa konseho, traha huntu, interkambiá konosementu i trahadó i oportunidat pa kore stazje den tur dos pais.”
Presidente di CRA Tarzeno Circkens: “Turismo ta di importansia pa Kòrsou. Ku e konvenio aki no kemen ku ta fortalesé nos posishon, pero ta pone man huntu ku persona nan ku tin hopi aña di eksperensia ku konosementu di e sektor di Horeca, regla I leinan. Ku esaki nos por traha riba un sektor stabil riba nos isla.”

Bo tin interes?
Bo tin interes pa bira miembro di KHN Kòrsou? Manda bo detayenan di kontakto pa curacao@khn.nl òf info@ curacaorestaurants.org. Nos lo tuma kontakto ku bo.
Algu di Koninklijke Horeca Nederland
KHN ta e organisashon den sektor di horeca den Reino Hulandes ku ta kuida interes di empresarionan den Horeca pa e.o. rekuperashon di Corona, un cao faborabel di horeca, kompetensia hustu, derecho laboral, i edukashon den e profeshon. KHN ta traha ku instansianan gubernamental i organisashonnan ku meta pa krea un klima optimal pa e sektor di Horeca. Ménos preshon, mas tempu pa bo negoshi. For di awor por bira miembro KHN-Afdeling Curaçao.

Algu di Curaçao Restaurant Association
Curaçao Restaurant Association a wòrdu fundá na sèptèmber 2007 i ta kuida interes di restorantnan na Kòrsou. Miembronan di CRA ta empresarionan profeshonal den e sektor di restorant i foodservice. Miembresia di CRA ta duna espasio pa yega na informashon spesífiko di e sektor, duna servisio, apoyo pa yega na bentahanan, kurso i workshop, komunikashon ku gobièrnu i otro instansianan i un ret sosial di koleganan.