Kongreso merikano ta evaluando pa presenta kargonan penal kontra Trump

WASHINGTON – Un komité spesial di Kongreso merikano ku ta investigando e kaso di asalto dia 6 di yanüari 2021 na Kapitolio ta evaluando pa presenta kargonan penal kontra Donald eks presidente di Merka.
Informashonnan konfidensial ku e komité spesial di Kongreso aki tin ta ku Donald Trump tabata un di e instigadornan ku a kondusí ku su simpatisadónan a invadí i asaltá Capitalio dia 6 di yanüari di aña 2021.
Bennie Thompson presidente di e Komité a señalá ku lokual nan tin na informashon di e investigashon ta ku tabatin konspirashon ku hendenan hopi yega na Donald Trump pa stroba Mike Pence nombra Joe Biden komo presidente nobo di Merka.
Departamento di hustisia ya a akusá alrededor di 800 persona den relashon ku protesta, inkluyendo miembronan di vários grupo ultraderechista ku ta enfrentá kargonan di konspirashon.