Internashonal
Kongreso merikano a aprobá pa reforsá protekshon pa wesnan di Korte Supremo
WASHINGTON – Kongreso merikano a aprobá ayera un lei ku lo bai reforsá medida di protekshon pa tur e nuebe wesnan di Korte Supremo di Merka. E motibu dikon Kongreso Merikano mester a hasi esaki ta debí ku den próksimo dianan e wesnan aki lo tin ku bai disidí pa atendé ku e tema nan sensibel di aborto i leinan di arma di kandela.
Ta apénas algun siman pasa un hòmber arma tabata buska kas di wes Brett Kavanaugh den suburbionan di Washington ku intenshon pa likid’é huntu ku hinter su famia.
Durante ku fiskal a interogá e hòmber aki ela konfesá ku su plan tabata pa likidá wes Brett Kavanaugh i despues kometé suisidio. Esaki lo nifiká ku tur e nuebe wesnan di Korte Supremo lo bai haña protekshon di agentenan polisial 24 ora pa dia 7 dia pa siman. Awor ku Kongreso a pasa e lei di protekshon pa e nuebe wesnan aki presidente Joe Biden tin ku firma pa e drenta na vigor.