Kongreso di Peru a ninga: Pedro Castillo pèrmit pa akudí na investidura di Gustavo Petro

LIMA – Ayera un mayoria Kongresista den sala di Kongreso na Peru a vota kontra pa no permití presidente Pedro Castillo biaha pa Bogotá.
E motibu dikon Pedro Castillo kier a biaha pa Colombia ta debí pa ta presente na e investidura di Gustavo Petro dia 7 di ougùstùs próksimo.
Un total di 67 kongresista a vota kontra miéntras 42 kongresista a bai di akuerdo pa e biaha pa Bogota na e investidura di Gustavo Petro.
E motibu dikon e Kongresistanan no kier laga Pedro Castillo biaha pa Colombia ta debí ku Ministerio Públiko ta investigando e aktual presidente di Peru pa vários kaso di posibel korupshon.
Miéntras tantu tambe tin alegashonnan ku tin un krísis presidensial sin presedente.
E situashon di gobernashon na Peru ta un káos total i segun medionan di komunikashon si laga Pedro Castillo biaha pa Colombia elo por trata na hui of buska manera pa haña asilo polítiko sea na Venezuela of Nicaragua.