Internashonal
Kongresista Republikano di Merka a muri den un aksidente di outo na Indiana
INDIANA – Kapitan Randall Tailer hefe di kuerpo polisial na Indiana a konfirmá ku ayera tardi e kongresista Republikano ku yama Jackie Walorski a hañe envolví den un aksidente di tráfiko bastante serio riba karetera rumbo pa sentro di suidat.
Jackie Walorski tabata algun dia kaba na Indiana debí na e periodo di vakashon ku tin pa Kongresistanan na Merka.
Kapitan Randall Tailer a splika ku Jackie Walorski (58) a dal frontalmente den un SUV ku tabata bayendo riba velosidat haltu na e kondado di Elkhart.
E parti mas tristu di e kaso aki ta ku Jackie Walorski tabata huntu ku dos otro persona mas di kual nan tur a fayesé den e aksidente horibel aki.
Pa lokual ta e shofùr di e SUV a keda identifiká komo Edith Schmucker (56) tambe a fayesé den e aksidente horibel aki.
Otro pasaheronan ku tabata den e outo ku a fayesé den e aksidente horibel aki ta Emma Thomson (27) i Zachery Potts (28) ámbos kolaborador di Jackei Walorski.