Kon koregí

1. Na promé lugá kòrda semper ku e krítika ta dirigí su mes na e akto, na e kondukta, no na e persona.

2. Skohe e lugá i e okashon oportuno pa formul’é. Manera mi mama ta kustumbrá di bisa “e momento sikológiko”.

3. Purba na haña e okashon ei mas pronto posibel. Ta mas razonabel i efikas koregí den e tempu mas lihé di e eror.

4. Hasi krítika den privá. Evitá kualkier posibilidat di murmurashon, di redu.

5. Sea kla, konkreto i realista. Bai na e rais. Delimitá loke bo ke koregí. No deskualifiká di moda generalisá, ni bira rònt…

6. Manifestá bo mes alentador i ku un diskurso positivo (tin be tin di mas “nò” i falta proposishonnan).

7. Realisá bo krítika di forma prudente i respetuoso, hustu, sin humiliá ni ofendé. Evitá e tono agresivo i trata na ekspresá bo intenshon real di yuda.

8. No lubidá si koregí ta importante no lo ménos ta elogiá. Papia tambe di moda sinsero i keda semper den lo positivo. Tur kos ta sirbi di trampolin.