Kon Hesus a bai shelu?

Roberto Mena
E 7 nifikashonnan di Asenshon di Hesukristu
Despues di ku Hesus a resusitá entre mortonan, «El a presentá su mes bibu» (Echonan1,3) na e muhénan serka di e graf (Mateo 28, 9-10), na su disípulonan (Lukas 24, 36-43) i na mas di 500 mas (1 Korintionan 15, 6). Den e dianan despues di su resurekshon, Hesus a siña su disípulonan tokante di e reino di Dios (Echonan 1, 3).
40 dia despues di resurekshon, Hesus i su disípulonan a bai na e seru di Oleifi, serka di Herusalèm. Einan, Hesus a primintí su siguidónan ku pronto nan lo risibí Spiritu Santu i a ordená nan pa nan keda den Herusalèm te ora Spiritu Santu lo a bini.
E ora ei Hesus a bendishoná nan i na ora di duna nan e bendishon, El a kuminsá na subi pa shelu. Nos ta haña e relato di asenshon di Hesus den Lukas 24, 50-51 i Echonan 1, 9-11.
Di e Skrituranan ta dedusí klaramente ku asenshon di Hesus tabata un regreso literal i korporal n shelu. El a subi di tera gradualmente i visiblemente, opservá pa hopi públiko intenshoná.
Miéntras ku e disípulonan tabata hasi esfuerso pa kapta un último vistazo di Hesus, un nubia a tapa nan bista, i dos angel a aparesé i a primintí regreso di Kristu «di e mesun manera ku nan a mir’é bai » (Echonan 1,11).
Asenshon di Hesukristu ta signifikativo pa vários rason:
1) El a marka fin di Su ministerio riba tera. Dios Tata a mand’é di forma amoroso na mundu na Bètlehèm i awor E tabata regresando na Tata. E período di limitashon humano a terminá.
2) El a nifiká éksito den su obra riba tera. Tur loke El a bini pa hasi. El a kumpli kuné.
3) El a señalá regreso di Su gloria selestial. E gloria di Hesus tabata velada durante su estadia riba tera, ku un eksepshon kòrtiku den e Transfigurashon (Mateo 17, 1-9).
4) El a simbolisá Su elevashon dor di Tata (Efesionan 1: 20-23). Esun ku ta legria di kurason di e Tata (Mateo 17: 5) a ser risibí ku honor i a dun’é un nòmber riba tur otro nòmber (Filipensenan 2, 9).
5) El a permitié prepará un lugá pa nos (Huan 14, 2).
6) El a indiká komienso di su obra Nobo komo Sumo Saserdote (Hebreonan 4, 14-16) i Mediador di e Aliansa Nobo (Hebreonan 9,15).
7) El a establesé e patron pa su regreso. Ora Hesus ta bini pa establesé e Reino, E lo regresá eksakto manera E a lag’é – literalmente, korporalmente y visiblemente den nubianan (Echonan 1,11, Daniel 7, 13-14, Mateo 24,30, Apokalípsis 1, 7).
Aktualmente, Señor Hesus ta den shelu. Skrituranan frekuentemente ta represent’é na man drechi di Tata, un posishon di honor i outoridat (Salmo 110, 1, Efesionan 1,20, Hebreonan 8:,1).
Kristu ta Kabes di Iglesia (Kolosensenan 1, 18), e dunadó di donnan spiritual (Efesionan 4, 7-8), i Esun ku ta yena tur kos den universo kompleto (Efesionan 4, 9-10).