Kon forma un konsenshi ku rektitut

Outor: Caesar Atuire

Tin algun forma práktiko ku ta yuda hende forma su konsenshi bon i manten’é semper rekto. Entre nan por menshoná e saminamentu di konsenshi tur dia pa analisá kon el a aktua dilanti di loke ta mas importante den bida: e opshon pa Dios. Tuma algun momento pa mira kon ta praktiká e loke ta kere. Hasí di un manera konsiente i práktiko ta un forma masha útil.

E sakramentu di rekonsiliashon, e direkshon spiritual, ta manera impresindibel pa forma e konsenshi bon. E aktitut fundamental ku ta laga balorá tur e formanan aki ta esun di vigilansia i sinseridat pa rekonosé si un persona ta bibando di forma rekto o si e ta konsintiendo den bida propio kosnan fuera di su opshon fundamental.

Despues yudansanan práktiko, ta importante tambe konosé e proseso di un akshon moral pa sa di dirigí e formashon di konsenshi bon.

Por papia di tres operashon o fase den formashon di e konsenshi.

E promé, ku ta bai dilanti di e akshon, ta persibí e bon komo algu ku mester hasi e malu komo algu ku mester ser evitá. Esaki ta e momento di mira: “Esaki ta bon i mester hasié” o “no, esaki no ta bon, mi mester evit’é”.

E di dos fase ta e forsa ku ta hiba na e akshon, hasi uso di dje pa hasi bon i evitá malu. Ta ekspresá esaki ora nos ta bisa: “Hasi bon” o “nò, esaki mi no ta hasi”.

Por último e operashon ku ta sigui tras di e akshon, ekspresá huisio tokante bondat o maldat di loke a hasi. Den e etapa aki nos ta bisa: “Mi a obra bon” o “mi a hasi algu malu”.

Den e promé stap ta importante pa habri e konsenshi