Kon (33 aña pasa) dos piloto pirata a kousa e aksidente mas grandi den historia di Sürnam

……Baiendo 33 aña atras den historia esei tabata e dia mas pretu den historia di aviashon di Sürnam ora ku foi inisio dje buelo for di Schiphol pa Zanderij te kasi yega su destino ku tur faktor a hasi konvergensia pa mata kasi tur hende bordo dje avion.
E kadena di eror kriminal a kuminsá ora kapitan dje avion ku tabata bula ku lisensia falsifiká kontra di tur regla a purba aterisá e avion riba señal elektróniko sin pèrmit di tore di kontrol pasobra ela purba aterisá tres biaha i no a logra.
Konklushon di ekspertonan ku sin pèrmit e kier a baha e avion no-visual pero no a realisá ku e tabata kasi riba tera.
Resultado tabata ku e tren di aterisahe a mishi ku palunan haltu dje selva i a kai plama na filingrana matando 167 pasahero i tur tripulante.

ERORNAN
DESASTROSO
E DC8-32 De Anthony Nesty ku a kai pa inkompetensia di e pilotonan i personal di kontrol aéreo.
Bordo dje avion tabatin parti dje tim di futbòl Kleurrijk Elftal.
Esnan ku tin ku gradisí Dios kada dia di nan bida prominentenan manera Ruud Gullit, Frank Rijkaard, Bryan Roy, Aron Winter i Henk Fräser kendenan tabatin invitashon pa hasi e biahe pa Sürnam.
Zanderij ta keda 30 kilometer for di Paramaribo i e kapitan pirata Will Rogers a haña notisia ku kondishon meteorológiko tabata ekselente pero ora nan a yega Zanderij tabatin un muraya di neblina.
Esei si nan no a spera i kapitan Will Rogers a disidí di baha e avion a base di instrumento pero e no tabatin pèrmit di tore di kontrol i e desishon a resultá fatal.
E kapitan a purba baha tres biaha pero e sistema no a duna pèrmit pasobra e avion no tabatin altura. Kon por a sosodé ku SLM por a kontratá e pilotonan na un uitzend bureau pa piloto i no ta kontrolá su lisensia. A resultá ku a gaña riba su edat i hamas ela mag bula e avion.