KOLABORASHON APC I STICHTING MONUMENTENFONDS CURACAO

WILLEMSTAD – Algemeen Pensioenfonds van Curaçao (APC) i Stichting Monumentenfonds Curaçao na fin di e aña tras di lomba a firma un akuerdo di kolaborashon. Ta trata akí di un dunamentu di servisio nobo den kua Stichting Monumentenfonds Curaçao no ta aktua komo suministradó di supsidio ni ta enkargá ku finansiamentu di e restorashon, sino e ta aliviá e kliente ku asesoramentu di konseho arkitektóniko i tékniko durante restorashon di e monumento. Aktualmente e partidonan ta trahando huntu riba renobashon di e edifisio ‘NAAM’ na Johan van Walbeeckplein 6b i 13 den e distrito históriko Pietermaai. E monumento akí di 1943, konosí tambe komo Sentro Kultural òf ‘De Oude Leeszaal’, ta karakterisá pa su arkitektura den e estilo di Movementu Moderno (Art Deco). Awendia e edifisio ta konosí tambe komo alohamentu di fundashon ‘NAAM’ ku ta hür e parti ost (pariba) di e edifisio serka APC. Despues di e trabounan di restorashon aktual, lo hür e parti wèst (pabou) di e edifisio tambe.