Internashonal
Kofundador di Google: A divorsiá di su kasa despues di tende ku e tabatin aventura amoroso ku Elon Musk
SILICON VALLEY – Sergey Brin Co fundador di Google a divorsiá di su kasa Nicole Shbahan despues di deskubrí ku ela mantené un aventura amoroso aña pasa ku a magnate Elon Musk.
Naturalmente lokual a pasa aki a pone ku e amistat di años ku tabatin entre Elon Musk i Sergey Brin tambe
a kaba.
E problema ta ku durante periodo ku Elon Musk tabatin mester di invershonista pa produkshon di su outonan di koriente Tesla ta Sergey Brin mes a yud’é invertiendo miónes den su proyekto.
Tempu ku Elon Musk no tabata konosí mes ta Sergey Brin a yud’é finansieramente ku e por a progresá.
Esaki ta e manera kon Elon Musk ta paga Sergey Brin bek ku ta tene relashon amoroso ku su kasa i pa kolmo durante un fin di siman na Miami.
Den e dokumento hudisial di divorsio tin ku Sergey Brin no kier rekonsiliá ku Nicole Shbahan.
Nicole Shbahan a atmití ku e tabatin un enkuentro amoroso ku Elon Musk i ta pidi $1 mion mensual ku e por sigi hiba un bida di luho.