Internashonal
Koalishon ku tabata gobernando: Na Israel a anunsiá disolushon di gobiernu i ta konvoka elekshon nobo
TEL AVIV – Ayera Naftali Bennett i Yair Lapid su prinsipal sosio den koalishon a disidí na presentá nan desishon ku ta pa disolvé e Parlamento den próksimo dianan.
Naftali Bennett a forma un koalishon di ocho partido na luna di yüni di aña 2021 despues di kuater elekshon no konkluyente.
E motibu dikon e gobiernu aki no a funshoná ta debí ku ningun di e lidernan di e partidonan ku ta forma un koalishon no ta konfia otro mas.
Esaki ta kondusí ku miéntras tantu ku e gobiernu disolvé Naftali Bennet lo keda komo promé minister di Israel te na momentu di elekshon nobo.
Ta premirá ku e elekshon nobo na Israel lo keda programa pa òktober of Novèmber i ku tur probabilidat ku Benjamin Netanyahu ku ta den oposishon lo haña su oportunidat pa bolbe bek na poder.
Den e último enkuesta ku a keda realisá despues ku tabatin rumornan ta sirkulá ku e gobiernu lo bai disolvé a pronostiká ku si lo bini un elekshon nobo e partido di Benjamin Netanyahu lo a bolbe gana.