Knops a gana kaso di difamashon kontra dos korant: NRC i Limburger

WILLEMSTAD. Kuater aña pasá e atversarionan politiko di e èks Sekretario di Estado ulandes pa Asuntunan di Reino Raymond Knops, tabatin masha satisfakshon ku supuestamente a garé riba un chanchuyo.
E korantnan NRC i De Limburger awe tin ku rektifika ku nan a akusá Knops inhustamente ku durante konstrukshon di su kas ela saka bentaha di diesmiles di euro na kompra di tereno.
E veredikto di wes no ta menshoná ku tabatin kuestion di fabor na su persona.
Kuater aña pasá e korantnan a skirbi ku e politiko di CDA ku no a retorna komo mandatario a saka probecho serka un empresa ku kompra di un tereno na provinsia Limburg.
Knops a kumpra e tereno di kambio di espasio kaminda ela haña tereno ku a bini liber kaminda nan tabata kria porko i por a usa e tereno pa traha kas.
Ela paga e preis regular ku tabata valido i pero a rabia ku nan a susha su nomber i ela kuminsa un kaso i wes a dikta ku e korantnan no a usa e palabra ilegal pero e hecho ku ela probechá di diesmiles di euro si ta ofensivo.
Knops a keda kontentu ku e veredikto pasobra e sa kiko a pasa 11 aña pasá.
Pero awor e tin veredikto den man mientras ku redakshon dje korantnan a lamentá ku mester rektifika algu .
E korantnan mester publika den tur artikulo den kual nan a lansa e akusashon ku e informashon di diesmiles di euro tabata inkorekto.
I nan tin ku paga gastunan dje kaso……