Kiko un mama ta bisa

Mi a duna bo bida – pero mi no por biba pa bo

Mi por siña bo hopi kos – pero mi no por siña pa bo

Mi por mustrabo e kaminda rekto – pero mi no por kan’é pa bo

Mi por duna bo libertat – pero mi no por limit’é pa bo

Mi por hiba bo misa – pero mi no por hasi bo kere den Dios

Mi por siña bo kita bon fo’i malu – pero mi no por tuma desishon pa bo

Mi por kumpra paña bunita pa bo – pero mi no por hasi bo bunita di paden

Mi por konsehá bo – pero mi no por aseptá e konseho pa bo

Mi por duna bo amor – pero mi no por forsa bo pa asept’é

Mi por siña bo kompartí – pero mi no por sòru pa bo no ta haragan

Mi por siña bo duna rèspèt – pero mi no por obligá bo pa duna rèspèt

Mi por duna bo konseho pa ku bo amigunan – pero mi no por skohe bo amigunan pa bo

Mi por siña bo di bida seksual – pero mi no por obligá bo warda te despues di matrimonio

Mi por konta bo di e echonan di bida – pero mi no por sòru pa bo tin un bon reputashon

Mi por konta bo di e konsekuensianan di alkohòl – pero mi no por bisa “NO” pa bo

Mi por atvertí bo di droga – pero mi no por evitá ku bo no ta usa droga

Mi por siña bo pone meta – pero mi no por logra nan pa bo

Mi por siña bo ta amikal  – pero mi no por fòrsa bo di ta grasioso

Mi por siña bo di pikánan – pero mi no por biba un bida sin piká pa bo

Mi por stima bo – pero mi no por pone bo den e famia di Dios

Mi por resa pa bo – pero mi no por pone bo kana ku Dios

Mi por siña bo di Dios – pero mi no por hasi Hesus bo Señor

Mi por siña bo biba – pero mi no por duna bo bida Eterno

Un mama semper ta stima i ta un Regalo di Dios. Ta pa e motibu akí nos mester balorá nos mama ku Dios a duna nos. Nos no mester lubidá ku promé ku Hesus a muri El a entregá nos na Su mama. Kada mama ku mester di forsa, mester kòrda riba nos mama selestial. PidiE pa E intersedé serka Dios pa e forsa nesesario ku abo mester komo mama.