Kiko ta un Sínodo?

Aciprensa

Sínodo di Obispunan ta un institushon permanente, kreá pa Papa Pablo VI (15 di sèptèmber 1965), den kontesta na e deseonan di e Tatanan di e Konsilio Vatikano II pa mantené bibu e spiritu di kolegialidat ku a nase di e eksperensia konsiliar.
Etimológikamente papiando e palabra “Sínodo”, derivá di e términonan griego syn (ku ta nifiká “huntu”) i hodos (ku ta nifiká “kaminda”), ta ekspresá e idea di “kana huntu”. Un Sínodo ta un enkuentro religioso òf asamblea den kua algun obispu, reuní ku Tata Santu, tin e oportunidat pa mutuamente interkambiá informashon i kompartí eksperensianan, ku e ophetivo komun di buska solushonnan pastoral ku tin balides i aplikashon universal. E sínodo por ser definí, den términonan general, komo un asamblea di obispunan ku ta representá e episkopado katóliko i tin komo tarea yuda Papa den e gobièrnu di e Iglesia universal dunando e nan konseho. Papa Huan Pablo II a bisa ku sínodo ta “un ekspreshon partikularmente fructuosa i un instrumento di kolegialidat episkopal” ( Diskurso na e Konseho di e Sekretaria General di e Sínodo di Obispunan , 30 di aprel 1983: L’Osservatore Romano , 1 di mei 1983). Ya den e fase preparatorio di e Konsilio Vatikano II a lanta e idea di un struktura, te ainda pa determiná, ku lo a proporshoná na e obispunan medionan pa asistí Papa den e gobièrnu di e Iglesia universal. Kardinal Silvio Oddi, e tempu ei Pro-Nunsio Apostóliko den e Repúblika Árabe Uní (Egipto), a hasi un proposishon dia 15 di novèmber 1959, pa establesé un órgano di gobièrnu sentral di Iglesia òf, usando su palabranan, “un órgano konsultivo”. El a bisa: “For di hopi parti di mundu ta yega kehonan di ku Iglesia no tin, aparte di Kongregashonnan, un órgano permanente di konsulta. Por tantu lo mester establesé un sorto di ‘Konsilio den miniatura’ formá pa personanan di henter Iglesia, ku por reuní periódikamente, al ménos un be pa aña, pa trata problemanan mas importante i sugerí posibel direkshonnan nobo den e marcha di Iglesia. E órgano akí lo a enserá henter Iglesia, meskos ku e Konferensianan episkopal ta reuní henter òf parti di e herarkia di un òf vários pais, i meskos ku otro órganonan, manera Celam. (Consejo Episcopal