Kiko ta sinodalidat? ABC pa komprendé e próksimo sínodo

Ary Waldir Ramos Díaz

Di dos parti

Biba un eksperensia
Sínodo ta un eksperensia. Deskubrí eksperensianan personal i opservá bon práktikanan, skucha testimonionan, iluminá otro puntonan di bista pa skapa di e outo referensialidat i klerikalismo, e sinismo di bisa: ‘semper a hasié asina’; e ta sana e herida di hipokresia ku ta destruí e fe di esnan mas chikí.
Pasobra un Iglesia ku ta doblá den su mes pa mira su propio lombrishi, manera Papa a bisa e klero den Eslovakia, ta un graf blanchá, ku a para ketu i ta bastante leu di e realidat profétiko na kua e ta yamá.
E proposishon ta di un sinodalidat ku tambe tin e kara di e pueblo, pasobra e problema ta sede di un parti di e kurpa di Iglesia i asina e esposa di Kristu lo parse mutilá, blek i desolá.
E sínodo ta prosiguí riba kaminda di un Iglesia inspirá den e ehemplo di e diesdos disípulonan di Hesus. Un iglesia semper den salida, misionero i fraterno. Un hospital di kampaña i no un parlamento.
E disípulonan di Hesus tabata sirbidónan di e plan di Dios, ora ku nan a pasa dor di e stòfnan di e kayanan pa topa ku e pueblo: “Pasobra esun di mas chikí meimei di boso ta esun di mas grandi” (Lukas 9, 46-50!)”. Skucha esun mas chikí p’asina ku e disípulonan sea grandi.
Partisipashon di laikonan, paresía…
Den e sentido akí, Papa a enkurashá partisipashon di laikonan den reunionnan pre-sinodal, pafó di e oula di obispunan den Vatikano, atraves di vários mekanismo: fasenan promé ku e Asambleanan den Roma òf den e obispadonan i iglesianan lokal.
Por ehemplo, a implementá mandamentu di kuestionario na parokianan, e posibilidat di risibí kontestanan via online, skucha bos di ekspertonan den vários ámbito. Ademas di momentonan di reflekshon i enkuentro komunitario den kada parokia, iglesia lokal, etc, kompañá di momentonan di orashon i di selebrashon (Eukaristia).
E ophetivo ta tambe krea un ambiente den e Oula di e Sínodo i pafó, propisio na diálogo, pasobra e iglesianan lokal tambe lo mester aktivá nan mes pa esaki ku seshonnan ‘modelo’ na loke lo sosodé den Roma. Den e sínodonan selebrá den Vatikano, Papa tabata ke mas tempu pa debate i reflekshon.
Paresia: ta un palabra klave lansá dor di Papa. El a pidi pa papia ku kurashi i skucha otronan ku humildat. Esaki ta pa yuda i profundisá kada tema tratá apliká na sinodalidat. Inkluso a skucha esnan di esnan protestant, iglesianan oriental òf laikonan profeshonal.
Fasenan
Kada fase ta importante: apertura di e Sínodo den Roma (òktober 2021), despues e fase den Iglesianan i e realidatnan eklesial (òktober 2021-aprel 2022), siguí pa un fase kontinental (sept. 2022- mart 2023) i por último un fase di e Iglesia universal (òktober 2023).
“E ophetivo ta konsulta di e pueblo di Dios, p’asina ku e proseso sinodal ta ser realisá den skuchamentu di totalidat di tur esnan batisá, suheto di e sensus fides infalibel in credendo”, , kardinal Mario Grech, Sekretario General di e e Sínodo di Obispu a splika na lansamentu di e Sínodo (07.09.2021).