Kiko ta i kiko no ta sinodalidat

Kiko realmente ta sinodalidat? Semper e tabata den kurason di Iglesia. Sínodo ta nifiká “kana huntu”. A definí kristianismo komo “Kaminda” den e Hechonan di Apòstelnan; kristiannan tabata “siguidónan di e Kaminda”. E palabra griego pa “kaminda” ta hódos.
E palabra hódos ta nifiká kaminda den sentido literal: e medio pa kua ta avansá pa ku un meta. Kua ta e meta? Kristu. E ta e Kaminda pa ku su mes komo meta, ku ta e Bèrdat i Bida (s. Agustín). Sínodo ta kana huntu te na Kristu, ku ta e Bèrdat.
Hódos tambe ta nifiká “moda di biba” den sentido moral. Kristiannan tabata siguidónan di e Kaminda pasobra nan tabata sigui e enseñansanan moral di e Evangelio. Nan tabata bai riba e “bon kaminda”, riba e kaminda smal ku ta hiba bo na e salbashon: e Lei di Dios, e lei di amor.
E ora e i sínodo ta nifiká biba e moral evangéliko huntu, yudando nos na kumpli kuné, sin rebah’é òf akomod’é. E kaminda ta smal i ta pesei nos mester yuda nos mes pa bai einan i hiba otronan na e kaminda akí p’asina nan no pèrdè.
I na unda e kaminda aki ta hiba bo? Na Bèrdat i Bida. Sínodo ta kna untu guia pa e Bèrdat ku ta Kristu. Bèrdat no ta habri pa opinion òf kambionan, Evangelio no ta kambia, i e lei moral, ku ta Sali di amor, ta inmutabel.
Únikamente kanando huntu konforme e Bèrdat, nos lo tin Bida, ya ku “ bèrdat lo hasi boso liber”. Sínodo ta kana huntu pa Kristu, e Kaminda, bibando konforme e Bèrdat pa or tin Bida.
I na e kaminda aki nos ta invitá esnan no kreyente, p’asina ku nan ta bandoná e kaminda di perdishon i ta kombertí na e bèrdat. Huntu, komo Iglesia, nos ta duna testimonio di e bèrdat na esnan ku ta kana di dual p’asina ku nan ta rekonos’é i kambia di bida i asina se felis. Esaki ta sinodalidat
Pues, sinodalidat no ta skucha esnan ku ta kana riba otro kamindanan pa yega na un akuerdo; e ta skucha nan pa despues dialogá i trata di kombensé nan pa nan bandoná e kamindanan ku no ta hiba nan na bida i ku nan ta brasa e fe den Kristu, úniko kaminda na Tata.
Sinodalidat no ta aseptá un moral kontra esun di e Evangelio òf e enseñansa di Iglesia pa e mero hecho di ku algun kristian ta defend’é. E Kaminda, e moral kristian, ta loke e ta. Kana huntu ta impliká noba e moral akí huntu, no pretendé na kambi’é.
Sinodalidat no ta atmití un pluralidat di bèrdatnan, sino aseptá ku únikamente tin un Bèrdat i únikamente tin un kaminda pa yega na dje, i invitá esnan no kreyente pa nan brasa e bèrdat úniko aki i asina tin Bida eterno.
Sinodalidat no ta bisa mundu ku loke e ta hasi ta bon i ku nada ta robes; e ta iluminá for di e bèrdat e kamindanan robes ku ta hiba nos leu di Dios i di e Bèrdat, p’asina ku esnan ku a dual por bolbe riba e bon Kaminda.
Sinodalidat no ta vota demokrátikamente loke Iglesia mester hasi òf siña, sino aserká kada ser humano den su sirkunstansianan i su lenguahe pa mustr’é e úniko Bèrdat, ku no ta na e diskreshon di e modanan di tempunan.
Sinodalidad no ta aserká hendenan sin ku ta importá nos nan moda di bida, sino sabiendo ku e úniko moda di bida ku ta hiba na salbashon ta e moral evangéliko, siguimentu di Kristu, aseptashon di e bèrdat dor di fe; i asina anunsiando esaki na tur hende.
Asina pues, laga nos probechá di e Sínodo tokante sinodalidad pa loke e ta: bolbe deskubrí Kristu komo úniko Kaminda, su palabra komo úniko Bèrdat, i su moral komo úniko Bida, i asina ofresé esaki na e hendenan di nos tempu p’asina ku huntu nan ta kana ku nos na shelu.
Pader Jesús Silva, den su kuenta di Twitter (@elpadrejesus_)