Kiko ta e bèrdat? Tin un so?

Cinto Busquet – 

E no ta un doktrina riba su mes, e no ta un konsepto, ni muchu ménos un institushon, e no ta un lei…

E bèrdat, e ta eksistí? Tin un bèrdat? E ta totalmente suphetivo dependiendo di e punto di bista, di e perspektiva for di kua nos ta mira e realidat? Òf  realmente tin un realidat, ta eksistí òf nos ta moralmente obligá na busk’é i na biba di manera konsekuente na e bèrdat ei ku nos ta deskubrí?

E bèrdat pa e kristian pa un kristian ta e persona di Hesus, Kaminda, Bèrdat i Bida.

E no ta un doktrina riba su mes. E no ta un konsepto, ni muchu ménos un institushon. E no ta un lei.

E bèrdat ta e persona di Hesus: esaki ta impliká ku e bèrdat ta e amor enkarná. Ku e bèrdat ta amor. Ku amor ta e bèrdat.

Ke men ku fuera di e relashon, di e relashon amoroso, no tin bèrdat. Tin únikamente mitar bèrdat. Tin únikamente bèrdatnan ku ta desviá, ku ta insufisiente.

E bèrdat i e Spiritu

Dikon bèrdat no ta un kos òf otro. E bèrdat ta ora un kos òf otro ta pone den relashon for di un óptika i un dinámika di amor.

I ta pesei ku únikamente por yega na e bèrdat for di e Spiritu. Pasobra e Spiritu, Spiritu Santu, esun di Hesus, ta amor.

I si e Spiritu akí ta biba denter di nos, pasobra e ta Amor, E no ta papia pa  su kuenta. E no ta imponé sino ku orígen di e amor aki ta proponé, esun ku ta e fuente di amor: e ta e Tata ku ta duna nos –pa su Yu enkarná, morto i resusitá- Amor, Spiritu Santu, e Bèrdat.

Mare nos por biba mas i mas den e bèrdat di amor, den e bèrdat ku ta nase di akohe nos un na otro den e bèrdat, den e bèrdat pa rekonosé e bèrdat di e otro i integr’é den e propio bèrdat.

Pasobra asina e lus lo bria mas potente, amor lo krese i e Bèrdat lo hasi nos liber.