Kiko ta benefisia mas: hopi turista of turista ku ta gasta mas plaka

WILLEMSTAD. E orador invitá ne presentashon di CHATA riba e aspekto di salú komo faktor pa atraé turista pa Korsou e siman aki tabata sr. Lazlo Puzcko di Health Tourism Worldwide.
Su presentashon inspirativo a enfoká riba kon pa pensa di afo bin aden, kreativo i práktiko pa introdusí práktikanan i produkto di salú i bienestar aksesibel i faktibel den negoshi.
Biahamentu despues di covid a transformá i hende ta eksperensiando ansiedat di salú i biaheronan ta buska eksperensianan úniko pa redusí nan strès i krea felisidat genuino.
Na lugá di enfoká riba espanshon di bida, hende awor ta enfoká riba espanshon i kalidat di salú i bienestar.
Esaki ta krea un kambio den e demanda imotivashon pa loke ta trata turismo di salú i bienestar i su servisionan i te pais resipiente di turista mester krea e kondishonnan aki.
Desishonnan komersial konsiente ta importante den desaroyo di e merkado aki.
E punto di enseñansa mas importante ta pa apliká strategianan ku un aserkamentu di pafo bin paden,
I tradusí un produkto o servisio den un loke e ta hasi pa e bishitante, teniendo kuenta pa e komplimentá i kumpli ku e deseo di satisfakshon.
CHATA ta kontentu di por sigui traha ku tur partner i stakeholders i pa sigui marka paso dilanti pa establesé e merkado di salú i bienestar pa Kòrsou.