Ken a ofendé bo?

Outor: Juan Rafael Pacheco
Tin hende – hopi hende!- ku ta pasa den bida manera un pida kristal di Venecia: frágil; ku ta kibra masha lihé mes. Nan ta personanan ku ta biba sintiendo nan mes ofendí pa loke sea ku un hende a hasi nan.

Si bo ta den e grupo aki, mi tin un sorpresa p’abo. Ekspertonan ta koinsidí den afirmá ku ningun hende a ofendé bo! Loke ta heridá bo, loke ta ofendé bo, ta tur loke ku abo ta spera di e personanan ei i e ekspektativanan ku abo ta krea ku bo propio pensamentunan. Nan ta imaginario.

Si bo a spera ku bo mayornan lo a duna bo mas amor, i nan no a duna bo, bo no tin nodi di sinti bo mes malu. Loke ta lastimá bo ta bo ekspektativanan di loke un mayor ideal lo mester a hasi ku bo i no a hasié.

Si bo ta spera ku bo pareha lo reakshoná di tal i kual forma i e no a hasié, pensa bon: bo pareha no a hasi bo nada. Esaki ta den bo imaginashon.

Bo ta rabiá ku Dios? Ta bo ideanan di loke Dios mester a hasi, ta esunnan ku ta lastimá bo. Dios hamas ta ofendé ni hasi daño na ningun hende.

Esnan studiá riba e tema aki ta laga komprondé ku ora nos nase,