Deporte
Kastigu di prison kondishonal pa Sepp Blatter i Michel Platini
PARIS (C) – Ministerio públiko ayera a pidi demanda di kastigu di prison di 20 luna kondishonal pa e eks top futbolista Michel Platini i Sepp Blatter kende ta eks presidente di FIFA
Nan ta keda akusá di a hasi transakshonnan dudoso i frouduloso
T’asina aki ku Blatter di 86 aña na 2011 a paga un suma di 2 mion frank suizo ku ta mas o ménos 1,8 mion euro na Platini
Segun Blatter t’asina ku Platini tin derechi riba e plaka aki relashoná ku su trabounan ela hasi pa FIFA durante di 1998 te ku 2002
Manera a keda planeá entre nan dos vokalmente
Pero e pago mes a tuma luga 9 luna despues.
E pago aki di un forma dudoso a kondusí pa ministerio públiko hasi un investigashon Segun hustisia ámbos persona a kometé froude.
FIFA a skors Blatter na 2015 pa motibu di e pago aki i Blatter mes a baha komo presidente na 2016.
E tabata presidente di FIFA for di 1998 i nunka mas e no ta tin otro funshon den FIFA
E proseso ta sigi te ku dia 22 di yüni.
Ta spera ku korte lo dikta sentensia dia 8 di yüli