Lokal
KASO INEX2.0, LADRONISIA DI 600 KILO DI KOKA FO’I WARDA DI POLIS
WILLEMSTAD. E fiskalnan señora mr. A. K.Tiggelaar i mr. M. Vollebregt, kendenan ta enkargá ku persekushon di esnan responsabel pa e robo di 600 kilo di kokaina for di warda di polis na Rio Canario 6 aña pasá a rekonosé durante tratamentu di e kaso den sala di korte ayera ku e akto aki a hiba Kuerpo Polisial den un lus sumamente negativo.
Esaki ta un di e promé opservashonnan ku e duo di fiskalnan a hasi ku ta referí dirèkt na e situashon difísil ku Kuerpo Polisial ta pasando aden.