Internashonal
Kaso di mucha ku a muri na un atrakshon na Orlando a kuminsá den korte
ORLANDO – Ayera e kaso kaminda mayornan di Tyre Sampson un adolesente (14) ku a kai for di un atrakshon na Orlando a kuminsá. Abogado ku ta representá mayornan di Tyre Sampson a presenta ku un lista di fayo ku e operador den e kaso aki (Icon Park) a kometé ku a kousa morto di nan yu.
Pa kuminsá Tyre Sampson tabata demasiado gordo i grandi (173 kilo) i ku na ningun momentu so mester a lage subi debí ku e faha di seguridat tabata por a sera.
Na di dos lugá esnan ku tabata enkargá ku operashon na e aparato di Free Fall mester a nota ku Tyre Sampson tabata demasiado gordo pa drenta den e asiento di e Free Fall.
Konsekuentemente ta manera e aparato a kuminsá ta drai riba velosidat haltu na un haltura di 131 meter Tyre Sampsom sin faha bisti a sali manera bala den kañon bai kai den abismo.
Outopsia ku a keda realisá riba Tyre Sampson ta demostrá ku ela kibra delaster un wesu den su kurpa i a sufri di trouma severo di e kaida aki.
E famia ta demanda e kompania Icon Park pa $10 mion i ku tur probabilidat nan lo bai gana e kaso aki tambe.