Internashonal
Kasa di Nancy Pelosi presidente di Kamara di representantenan a keda arestá
WASHINGTON – Nancy Pelosi presidente di Kamara di representantenan pa partido Demokrata a emití den un komunikado ku elo tene su mes na distansia di lokual a pasa ku su kasa ku a keda arestá na Napa Valley California.
Ta trata aki di Paul Pelosi (82) ku a sali for di un fiesta i tabata dirigí pa su residensia na Napa Valley.
Aparentemente Paul Pelosi a pasa nivel di sanger den alkohòl ku 0.008 % i ta p’esei e mester a pasa un algun ora detené den prizon.
Jeff Frederick bosero di kuerpo polisial na California a indika ku Paul Pelosi a komprondé bon ku ela kometé un fayo di kore outo bou di influensia.
Agentenan a detené Paul Pelosi alrededor di 11’or di anochi djasabra i a keda den libertat despues ku su abogado a paga un fiansa di $5.000.
Nancy Pelosi no tabata kier a duna ningun komentario riba e asuntu aki ku ta pendiente pa keda atendé den korte e siman aki mes na California.