Kas di Beibel a hasi presentashon di su 6 bukinan di komèks pa hubentut

Djasabra último tabata un dia grandi pa Kas di Beibel ya ku nan a hasi entrega ofisial di e 6 bukinan di komeks pa hubentut na Papiamentu. E bukinan aki ta masha bunita ilustrá ku meta pa atraé e atenshon di nos hóbennan.

Ta asina ku pa hopi tempu kaba Sosiedat di Beibel tabata buska un seri di buki atraktivo pa stimulá nos hóbennan pa lesa historianan di Beibel di un forma ku e ta sigui lanta nan kuriosidat pa lesa Beibel.

Den nan búskeda, Sosiedat di Beibel a bini den kontakto ku representante di Kingstone Comics na Miami, Florida, ku a desaroyá hinter un seri di bukinan di komèks bíbliko. E seri aki tin tur potensial pa kumpli ku un programa ku Sosiedat di Beibel ker a realisá spesialmente pa hóbennan di Aruba, Bonaire i Kòrsou.

E seri di buki aki a resultá un éksito na diferente pais i “Kingstone Comics” a brinda Sosiedat