Karpinté ku a sufri aksidente aña pasá a pidi 114.000 florin

WILLEMSTAD. Un veredikto ku korte sivil den promé instansia a dikta resientemente den un kaso kaminda un karpinté a demanda e kompania di seguro THE NEW INDIA ASSURANCE i nan agente lokal SEGUROS MUSKUS N.V. pa atende un dalmentu ku a tuma luga na Grote Berg na aña 2017. Shofùr dje outo dje kontrapartido tabata sigurá na New India.
Despues dje aksidente dokter di kas drs. Van der Huls a eksamina e karpinté i a informa e kompania di seguro di e shofùr ku ela sufri leshon na su skouder riba kual a pasé pa dokter Cabenda kende a mand’é pa un spesialista mediko i seguidamente a manda un e-mail a un persona ku ta traha pa .
Dr. Cabenda na oktober di 2017 a manda informa doño di trabou rekomendando pa pag’é su salario pasobra e lo ta AO henter luna di oktober.
Un siman despues a manda informa ku e karpinté ta sufri muchu menos di efektonan dje dalmentu i hasta de bes en cuando e ta kue djòp.
Un segundo seshon di ECHO a mustra ku e skouder a drecha konsiderablemente i su skouder drechi ta funshona 100%.
I ela yega ne fase ku e por kuminsa traha fulltime atrobe. Seguro a manda puntra hasta ki grado e karpinté su kehonan ta konsekuensia dje aksidente na 2017,
Ramrattan a manda kontesta ku e pashènt tin doló na su skouder drechi i bien posibel ku su dolónan di awendia ta resultado dje aksidente.
E siruhano mes a bisa ku na su pareser lo keur af e karpinté pero si e ta rekuperá su nivel di antes e siruhano no por bisa.
A pasa dos aña i a operá e pashènt na Colombia i a retorna nos pais kaminda e ta risibi tratamentu fisio teurapiko,
E kompania Total Fast Bouw BV a traha un deklarashon ku e karpinté ta den nan servisio ganando 1500 pa kinsena pero
ku aktualmente e no ta trahando debi na un aksidente ku a tuma logá i ta ousente for di dia 28/8/2017. New India paga vorskot pa en total NAf 96.000,-pa salario ku e no por a kobra.
E karpinté a pidi korte pa korte pa ordena New India pa pag’é NAf 72.000,- i den segundo instansia ela subi e demanda na NAf 114.000,- plus gastunan di biahe pa Colombia i na daño ela pidi 50 mil florin pasobra e no por a kria su famia ku mientras tantu a kibra pasobra seguro no kier a paga.
E mester a alkilá su kas pa 1200 florin pa luna i New India a rechasa tur e argumentonan.
Korte no a duna e karpinté rason pasobra e no por a proba ku e tabata den servisio permanente.
Korte no a haña ku e aksidente ta kousa dje divorsio i por lo tantu nan no por konsedé un pago di 50.000 florin. Ademas si mester paga daño perwisio esei no ta toka su famia pero e karpinté.
E gastunan ku ela hasi na Colombia sí korte ta konsedé pa paga e karpinté.
Wes a haña ku un kompensashon di 4000 florin ta adekuado i ta sigi ku e sobrá puntonan mas lat e luna aki.