Kardinal ta spesifiká 7 prinsipio “no negoshabel” den Iglesia pa e proseso sinodal

Churchpop
Na komienso di òktober, Papa Francisco a duna inisio na e proseso sinodal, un kampaña mundial di dos aña kaminda ta kurashá katólikonan pa manda komentarionan na nan diósesis lokal.
Un sínodo ta un reunion di obispunan ku ta bini huntu pa diskutí un tema di importansia teológiko òf pastoral, ku e fin di prepará un dokumento di konseho òf un konseho pa Papa.
Kardinal Timothy Dolan, Arsobispu di New York (Estádos Unídos), ekspresá shete prinsipio ku Hesus a pretendé pa Iglesia i ku no mester bai pèrdí.
Segun e kardinal, atraves di e proseso sinodal, “[Papa Francisco] ke pa nos uni na dje pa resa, skucha, diserní, eksaminá nos mes personalmente i Iglesia den komunidat, pa mira si realmente nos ta riba e kaminda ku Hesus a tipula pa Su esposa stimá, Su kurpa místiko, Iglesia”.
Kardinal ta spesifiká 7 prinsipio “no negoshabel” den Iglesia pa e proseso sinodal
Tata santu “ a rekordá nos sierto elementonan esensial kla ku Hesus tabata pretendé, konstante, aunke, tin be, nos ta atmití, nublá i tapá den skuridat, den e asombroso drama di 2.000 aña di Iglesia. Esakinan ta algun di e esnan no negoshabel” pa e proseso sinodal.
1) “E energia i direkshon ku ta guia Iglesia ta bini di Spiritu Santu, no di nos mes”.
2) “Miéntras nos ta den mundu, nos no ta di mundu i, por lo tantu, nos prinsipionan rector ta bini di e Evangelio, revelashon i patrimonio di e enseñansa establesé di Iglesia”.
3) “Prinsipionan di dignidat innato di kada persona humano i e karakter sagrado inherente di tur bida humano ta e faronan moral den nos kaminda”.
4) “Nos biahe atraves di e bida di regreso akí na nos berdadero i eterno hogar di shelu ta logra di manera mas efektivo presisamente manera un biahe den kua un ta kana i ta kompañá e otro, ku Hesus komo nos guia, Su Mama i e santunan i nos pekador; un banda di e otro”.
5) “Den e biahe akí nos ta pone spesial atenshon na esnan ku ta kant’i kaminda, espesialmente esnan ku ta malu, pober òf ku no por sigui nos ritmo”, el a bisa.
6) “Nos rikesa ta bini únikamente di fe, konfiansa, orashon, sakramentonan i i Su grasia”.
7) “Miserikòrdia, amor, invitashon, humildat, alegria, servisio generoso desinteresá i bon ehemplo ta nos úniko hèrmèntnan, nunka duresa, kondena ni orguyo”.
E kardinal a bisa ku e ta mira e shetenan akí “no negoshabel” komo “sinodalidat den poko palabra”.

Kiko abo ta pensa di e prinsipionan akí pa e proseso sinodal?