Kandidato presidensial Gustavo Petro: Furioso ku Hugo Carvajal a akusé di a risibí bastante sèn di chavistanan

BOGOTA – Gustavo Petro kende ta kandidato pa e próksimo elekshon presidensial na Colombia a deklará ayera den un entrevista ku e ta furioso ku e akusashonnan
ku Hugo Carvajal eks general Chavista a deklará den korte ku ela aseptá plaka bo di mesa serka via Alex Saab.
Hugo Armando Carvajal a deklará den sala di korte na Madrid ku Gustavo Petro a aseptá bastante plaka di e Chavistanan pa finansiá su kampaña na aña 2010.
Gustavo Petro a bisa ku e no ni konosé Hugo Carvajal i tampoko Alex Saab te pa e bai aseptá miónes serka hende deskonosí.
E reakshon di Gustavo Petro ta despues ku Hugo “el Pollo’ Carvajal a menshoná vários polítiko di Amerika Latina i algun na Spaña durante su oudiensia na Madrid.
Hugo Carvajal a bisa ku e gobiernu di Venezuela a finansiá ilegalmente vários polítiko iskierdista den Amerika Latina durante 15 aña.
Nòmbernan ku a keda menshoná ku a risibí miónes via PDVSA ta Néstor Kirchner (Argentina), Evo Morales (Bolivia), Luiz Inacio Lula Da Silva (Brasil), Fernando Lugo (Paraguay), Ollanta Humala (Peru), Manuel Zelaya (Honduras), Gustavo Petro (Colombia).