Kampionato di Kòrsou bola 8 individual

WILLEMSTAD – E ultimo evento balido pa e ranking nashonal a tuma lugar fin di siman ultimo.
E evento , kampionato di Korsou bola 8 individual , a konta ku partisipashon di 26 biyardista ya tabata patrosina pa Montana Bierhuis y House of Billiard Play .
Den buelta di ganador tabata Sybren Boekhoudt ku a topa Jeffrey Nieuwenhuijzen y a sali vensedor ku skor di 6 pa 4 y Fauzy Halabi ta gana Salim Kuzi 6 pa 2.
Den d promé partido di semifinal Halabi ta pasa pa final ganando Boekhoudt 7 pa 4.
Den buelta di perdedor Nieuwenhuijzen a domina ganando primeramente David Prins 6 pa 2 y despues Boekhoudt 7 pa 5 den semifinal y asina logra jega final .
Sin laga ningun duda Jeffrey a demostra su poder den e mundu di biyar ku e ta dominando pa años largu y ta gana Halabi 8 pa 3 y bai ku e titulo.
Resultado final , empata na puesto 5 John Hernandez y Salim Kuzi , puesto 4 David Prins , puesto 3 Sybren Boekhoudt , supkampion di Korsou Fauzy Halabi y kampion di Korsou Jeffrey Nieuwenhuijzen .
Y ku e resultadonan aki a sera e ranking nashonal di 2022 .
E promé 10 biyardistanan di e anja aki ta :
1 Jeffrey Nieuwenhuijzen
2 Fauzy Halabi
3 Hugo Limon
4 Shamir Tremus
5 Sybren Boekhoudt
6 Gemajel Rol
7 Salim Kuzi
8 David Prins
9 Alun Huang y
10 Karl Vervuurt .
E promé 4 biyardistanan di e ranking final lo representa Federashon Biyar Korsou den e proksimo kampionato panamerikano kual lo tuma lugar di 16 pa 29 di ougustus 2023 na Managua , Nicaragua.