Kampaña elektoral na Brazil a kuminsá ku Lula na kabes

RIO DE JANEIRO – Kampaña elektoral na Brazil a kuminsá ayera i tin indikashon ku esaki lo bai tin bastante drama i konfrontashon.
Ya kaba tin konfrontashon entre partidarionan di Luiz Inacio Lula da Silva i Jair Bolsonaro ku ta e dos kandidatonan mas fuerte den e elekshon aki.
Pero sin duda eks presidente Luiz Inacio Lula da Silva ta liderando enkuestanan na nivel nashonal di e pais aki.
Den e kaso aki Luiz Inacio Lula da Silva tin Jair Bolsonaro komo rival ku ta bai duna bataya durante su kampaña.
Datafolha ku ta e kompania konsultant di informátika ku a realisá enkuesta na nivel nashonal di Brazil a emití resultá ayera i tin Luiz Inacio Lula da Silva komo faborito pa gana elekshon aki den prome buèlta.
Den e kampaña elektoral ku a kaba di kuminsá ayera ofisialmente ta pone ku tur kandidato presidensial por organisá presentashon na televishon i radio i pone avisonan den korant na Brazil.
Fecha di dia di elekshon ta bai ta dia 2 di òktober 2022.