Deporte
Kadena di Hotèl: Sandals i Ajax lo stimulá futbòl na Kòrsou..
Sandals Royal Resort i Ajax a brasa otro pa un proyekto aki na Kòrsou kaminda ku nan a sera kabes pa yuda stimulá e deporte di futbòl na skol básiko.
Ayera na Mgr. Niewindt College e hungadónan di Ajax: Jurrien Timber, Edson Alvarez i Steven Berghuis a bai e skol i for di un trùk nan a baha material di futbòl pa e muchanan dje skol por train.
Ta e intenshon pa Ajax i Sandals parti material pa skolnan básiko di manera ku tur skol básiko lo por train futbòl aki na Kòrsou.
Tambe nan ta trahando pa yuda “coach” (nan) hóben pa por train e muchanan futbòl. Sin duda ta un proyekto hopi interesante ku lo tin su benefishinan den futuro pa nos futbòl.