Internashonal
Justin Trudeau a tuma medida pa garantisá derecho di aborto na Canada
TORONTO – Justin Trudeau promé minister di Canada a deklará ku elo bai sòru pa derecho di muhénan ku kier abortá no keda stroba pa ningun lei den su pais.
Justin Trudeau a bisa ku tur hende muhé tin e derecho riba nan futuro ku ta sea abortá of keda ku e yu.
Durante e rueda di prensa tabata presente Jean-Yves Duclos minister enkargá ku Salubridat i Marci Ien Minister di hende Muhe i Igualdat di Género.
Durante e konferensiá di prensa Jack Fonseca direktor di CCV (Campaña Coalición para la Vida) a akusá promé minister Justin Trudeau di ta un “abortista ekstremista”.
Tin un grupo na Canada ku lo bai trata na demanda e gobiernu di Justin Trudeau ku ta promoviendo aborto den e pais.
Finalmente Justin Trudeau a bisa ku e no ta promoviendo ningun aborto sino ta protehá derecho di kada hende muhé individualmente pa nan mes por disidí riba nan futuro i no laga un grupo di wes konservador tin ku disidí pa nan.