Jurrien Timber: “Pami sinta banki den United.. Mi ta keda Ajax”…

E defensa YDK Jurrien Timber ta huntu ku e selekshon di “Oranje” bou di guia di Louis Van Van Gaal.

E sa ku e tim di Manchester United tin interes den dje, pero ainda e no sa kiko e la hasi.

Nan ta bisa ku e tim di premier a ofresé Ajax 40.000.000 euro pa Timber.

Ainda Jurrien falta 2 aña di kontrakt.

“Mi tin di pensa e kos ei.

Manchester ta un tim grandi, pero Ajax tambe.

Mi sa ku ainda mi por siña hopi den e tim di Ajax.

I pami bai un tim pa sinta banki, mi ta preferá di keda Ajax”, asina Jurrien a deklará. Jurrien ta preparando pa e wega Internashonal di Ulanda, pa despues e tuma un fakansi bon meresí.

E subrino di “Kiki” tin apénas 20 aña di edat.