Josep Borrell: Hefe di diplomasia di Union Europeo a felisitá Gustavo Petro pa su viktoria

BRUSELAS – Josep Borrel hefe di diplomasia di Union Europeo via su kuenta di Twitter a manda palabranan di felisitashon pa e kandidato iskierdista Gustavo Petro pa su viktoria komo próksimo presidente di Colombia.
Josep Borrel a bisa ku Colombia ta un sosio fundamental pa Union Europeo i ta spera ku nan por sigi fortalesé bon relashon den e próksimo kuater añanan benidero.
Lokual ku por a nota ta ku e pueblo Colombiano tabata eksigí un kambio den polítika i ku a skohe Gustavo Petro komo un presidente iskierdista.
Ta parse ku den Amerika Latina gobièrnunan tradishonal kapitalismo manera esun di Ivan Duque no ta funshonando i ta pesei e pueblo a skohe pa Gustavo Petro.
Josep Borrel a bisa ku su deseo ta pa Gustavo Petro por kumpli ku tur su promesanan ku ela primintí esnan ku a depositá nan voto di konfiansa pa su partido.