Jong Colombia ku viktoria riba e kolegialnan 2-1

WILLEMSTAD (C) – Ayera nochi ta tin kontinuashon pa loke ta e kampionato di futbol FFK kaminda e ekiponan di Jong Colombia i e ekipo di Sithoc a topa ku bo
Jong Colombia sigur e sorpresa grandi den e kampionato aki ayera na di 4 minüt di tempu ta Sali nota i bai ariba ku gol di Sugently Martha.

Ku e skor 1-0 e wega a bai sosegá.

Den di dos tempu e ekipo di Jong Colombia e samineronan a Sali brabu pa buska pa amplia skor i na di 55 minüt Lisandor Koeiman ta hasi e wega 2-0 pa e samineronan.

Sithoc tratando di bin bek den wega i dos minüt despues ta kòrta bentaha ora ku Ruchendro Kiriendongo ta nota e gol pa hasi wega 2-1.

Ámbos ekipo ta risibí chènsnan pa nota pero e partido ta terminá ku skor di 2-1 i sigur un gran viktoria pa e ekipo di Jong Colombia ku un bia mas a bin ku bòshi fanátiko pa animá nan.

E samineronan kontra di tur pronóstiko ta entre e lidernan di e kampionato aki.