Internashonal
Joe Biden ta konsiderando pa suspendé impuesto riba gasolin
WASHINGTON – Joe Biden a sigurá ayera den un enkuentro ku prensa ku e ta analisando e posibilidat pa eliminá temporalmente e impuesto federal riba gasolin.
E desishon aki lo por keda tuma e siman aki mes segun Joe Biden ku e intenshon di redusí preis rekòrt di kombustibel a alkansá na Merka.
Aktualmente gobiernu merikano ta kobrando $0,18 sèn riba kada galòn na impuesto i si kita esaki temporalmente kada persona ta skapa alrededor di $4 riba un tanki yen.
Den kaso si atministrashon di Biden no tuma e desishon aki preis di kombustibel por yega na $6 pa galòn pa fin di e luna aki. Joe Biden a bisa ku ela tuma e desishon kaba di kual lo laga gobiernu supsidiá $0,18 riba kada galòn pa sikiera asin’aki duna e pueblo algu di alivio. Segun ekspertonan riba e merkado di finansas na Merka ta alerta ku si atministrashon di Biden sigi hunga popular esaki lo bai hinka finansas públiko den bastante problema.
Konsiderando ku e plaka di impuesto di kombustibel aki ta drecha i mantené kareteranan na nivel nashonal na Merka.