Internashonal
Joe Biden mester bolbe bai den isolashon debí ku ela bolbe tèst positivo pa COVID-19
WASHINGTON – Presidente Joe Biden a bolbe tèst positivo pa COVID-19 djasabra último tres dia despues ku su dòkter a outorisá su salida di isolashon.
Dr. Kevin O’Connor ku ta atendé ku Joe Biden a bisa ku e presidente no ta eksperimentando ningun síntoma di rekaida di e malesa i ta den bon estado di salu.
Den e kaso aki Dr. Kevin O’ Connor a bisa ku Joe Biden mester keda 5 dia mas aisla i lo bolbe tèst pa wak si elo por sigi ku su kompromisonan.
Dr. Kevin O’ Connor a splika ku Joe Biden a risibí dos bakuna i dos booster shot i ku posiblemente esaki a pone ku e no a bira malu.
Ne momentunan aki Joe Biden ta keda trata ku e medikamento ku yama Paxlovid.